NOTA: Debido ás obras da nova sede do IGFAE, o programa de visitas queda suspendido ata xaneiro de 2025. 

Seguindo co compromiso de divulgar a nosa actividade investigadora e achegarnos á sociedade, o IGFAE ofrece visitas guiadas polo noso instituto aos centros de educación secundaria.

Da man do noso persoal investigador poderás coñecer as nosas instalacións, os laboratorios e as áreas de investigación nas que traballamos con explicacións adaptadas ao nivel do alumnado.

Se algunha vez te preguntaches como estudamos desde Santiago de Compostela o universo e as leis que o gobernan e cales son as aplicacións das nosas investigacións, experimentos e tecnoloxías, esta é a túa oportunidade.

Enche o seguinte formulario coa información solicitada e poñerémonos en contacto contigo para concretar os datos da visita.

As visitas serán os venres, para grupos reducidos duns 25 estudantes, cunha duración de 2 horas aproximadamente.