Obradoiro de emprendemento
Pablo Cabanelas, responsable de Transferencia de Tecnoloxía do IGFAE, imparte un obradoiro ao alumnado do Máster Interuniversitario en Ciencia e Tecnoloxías da Información Cuántica. O obradoiro divídese en dúas sesións, que terán lugar os días 26 de setembro e 24 de outubro de 2025
Venres 26 de setembro (15.30) | Creatividade e protección da innovación
Nesta sesión exploraremos como converter unha boa idea nun paso cara á innovación. Con exemplos concretos veremos algunha técnica de creatividade aplicadas á ciencia e a tecnoloxía, e repasaremos de maneira práctica as principais formas de protexer os resultados: desde patentes ata licenzas abertas. O obxectivo é ter ferramentas claras e exemplos inspiradores para recoñecer o potencial das ideas e saber como darlles forma e protección.
Venres 24 de outubro (hora por determinar) | Emprendemento no Sector Tecnolóxico
Esta sesión convida a dar o salto da investigación ao emprendemento. Partindo dun exemplo real, veremos como validar unha idea e esbozar un modelo de negocio sinxelo. Con casos breves de éxito e fracaso aprenderemos a mirar a investigación con perspectiva emprendedora e a identificar os primeiros pasos que poden achegar unha tecnoloxía científica ao mercado e á sociedade.
