Construción de cámara de néboa

Obradoiro de construción de cámaras néboa organizado polo Instituto Galego de Física de Altas Enerxías (IGFAE) para docentes de centros de educación secundaria e bacharelato de Galicia. O IGFAE diseñou en colaboración coa empresa MakerGal un detector de partículas de baixo custo e mantemento sinxelo, fácil de construír, manter e transportar para que cada profesor montase desde cero o seu propio dispositivo con materiais proporcionados polo instituto e que despois levaron ao seu centro. Nesta actividade se ensinaron os fundamentos e o funcionamento básico destes detectores para utilizarse como recurso educativo na aula e aprender en primeira persoa e en menor escala como funcionan detectores de partículas como os situados nos laboratorios do CERN.

Os raios cósmicos son partículas subatómicas de alta enerxía que bombardean constantemente a Terra desde o espazo exterior. Miles destas partículas atravesan o noso planeta e a nós mesmos cada segundo. Esta radiación natural é inofensiva e invisible aos nosos ollos, pero as pegadas que deixan as partículas (as trazas) se poden ver utilizando unha cámara de néboa, un dos primeiros e máis sinxelos detectores de partículas subatómicas que se poden construír desde que foi inventada a principios do século XX.