Durante o mes de agosto, os investigadores postdoutorais do IGFAE Meijian Li e Wenyang Qian visitaron dous institutos de investigación na China: o Laboratorio de Física de Partículas e Irradiación de Partículas (PPPI), da Universidade de Shandong, en Qingdao; e o Instituto de Física Moderna (IMP), da Academia Chinesa de Ciencias, en Lanzhou. O obxectivo destas visitas foi o establecemento de comunicacións e novas colaboracións co persoal investigador destas institucións.

En ámbolos dous institutos, Wenyang e Meijian impartiron charlas sobre os seus traballos recentes: ‘Simulación cuántica en evolución temporal e problemas de estado límite’ (Wenyang), e ‘Evolución do chorro de quarks no medio nun formalismo hamiltoniano de fronte lixeira’ (Meijian).

No PPPI, Meijian e Wenyang reuníronse co profesor Hong Zhang, que colaborou con ambos (ademais do investigador do IGFAE Bin Wu), no artigo Anisotropic flow and the valence quark skeleton of hadrons, publicado no Journal of High Energy Physics en abril de 2023.

No IMP, Meijian y Wenyang reencontráronse co profesor Xingbo Zhao, que foi investigador posdoutoral no seu grupo durante a etapa de doutoramento de ambos. Nos últimos meses, Xingbo, Meijian, e o director do IGFAE Carlos Salgado colaboraron nun artigo (Momentum broadening of an in-medium jet evolution using a light-front Hamiltonian approach), publicado en Physical Review Letters D.