The Standard Model to the Limits

O Modelo Estándar (SM) é, ata o momento, a mellor explicación que existe para entender os elementos máis fundamentais da materia, as súas propiedades e interaccións. Os experimentos desenvolvidos nas últimas décadas así o corroboran. Con todo, persisten algunhas eivas e posibles desviacións: por exemplo, as súas pezas non encaixan coa gravidade ou a materia escura, e tampouco poden explicar o predominio da materia sobre a antimateria no universo. Levar o Modelo Estándar até os seus límites podería revolucionar a física de partículas e, con ela, a nosa comprensión do Universo.