O Instituto Galego de Física de Altas Enerxías (IGFAE) acollerá do 18 ao 20 de outubro a celebración de Quantpostela, a festa da computación cuántica.

Este obradoiro é parte do evento mundial Qiskit Fall Fest 2023, e ten por obxectivo introducir nas bases da computación cuántica a alumnado universitario e o público xeral.   

Quantpostela terá lugar de maneira presencial no IGFAE (Aula B), desde as 10 da mañá do 18 de outubro. A participación en todas as sesións é recomendable, pero non obrigatoria. 

O rexistro no evento, así como o calendario completo, poden consultarse na web do evento.