Desde os seus inicios, o IGFAE ten moi presente no seu ADN a proxección internacional do labor que se desenvolve no centro, debido á participación en grandes colaboracións científicas. Nesta liña, o Instituto ofrece prometedoras oportunidades para persoal de excelencia nas súas áreas de investigación, e estimula a formación continua do equipo, achegando os recursos que faciliten un desenvolvemento óptimo da súa carreira.
O IGFAE ofrece unha atmosfera agradable e estimulante para as mozas e mozos que desexen iniciar a súa carreira investigadora no Instituto. O Programa de Doutoramento de Física Nuclear e de Partículas, cunha clara vocación global, enmárcase nos estudos de doutoramento da Universidade de Santiago de Compostela.
Esta convocatoria interna ten o obxectivo de estimular ideas innovadoras e a colaboración multidisciplinar entre os distintos programas de investigación do IGFAE, cun claro enfoque na transferencia de tecnoloxía. Trátase dun dos puntos clave do novo plan estratéxico do Instituto.