Hoxe comezou a primeira sesión do curso virtual ‘Redes  Neuronais:  aplicacións  á física de altas  enerxías e  á industria‘, un curso organizado polo Instituto  Galego de Física de Altas  Enerxías (IGFAE) as mañás do 25, 26 e 27 de  maio e 1, 2 e 3 de  xuño no que se introducirán estas técnicas de  machine  learning utilizadas en investigación en física de partículas e cuxas  aplicacións se  estenden  moito  máis  alá dá investigación académica.

Converter o curso en virtual permitiu a participación de máis de 60 persoas de diferentes puntos da Península, cuxas tres primeiras sesións están a ser impartidas polo profesor e investigador da HSE University, Andrey  Ustyuzhanin, científico de datos e experto en machine  learning, quen fará unha introdución ás redes neuronais esta semana. Na vindeira, centrada na aplicación destas á física de partículas e a industria, participarán Álvaro Dosil de Triple  Alpha e Miguel Vidal de Ártabro Tech, expertos de empresas tecnolóxicas especializadas en big data e intelixencia artificial.

As redes neuronais artificiais (ANN) son modelos computacionais capaces de aprender de conxuntos de datos proporcionados previamente, que constitúen un paradigma diferente ao dos algoritmos de computación clásicos nos que as tarefas se executan secuencialmente. Esta capacidade permitiu ás ANN producir solucións precisas para problemas complexos, como o recoñecemento de imaxe ou son, que superan significativamente as solucións baseadas na informática clásica. O seu desenvolvemento foi axudado polas rápidas melloras nas capacidades de hardware nas últimas dúas décadas e hoxe en día é un campo de estudo de moita actualidade.

Este curso forma parte do programa de capacitación académica do  IGFAE destinado a estudantes de doutoramento como completo á súa formación, aínda que os cursos están abertos a un público máis amplo.

Esta actividade foi cofinanciada con cargo ao Programa Operativo FEDER Galicia 2014-2020.