Curso sobre presentacións de divulgación científica

O IGFAE organiza o venres 23 de xuño, de 10 a 12 horas, un curso orientado ao persoal investigador interesado en iniciarse na divulgación científica, e pretende ofrecer unas sinxelas pautas para dar os primeiros pasos na difusión pública da ciencia. 

No mundo académico dedícase moito esforzo a comunicar os resultados ao resto da comunidade científica a través das publicacións e os congresos. Porén, adoita ignorarse a importancia que ten a divulgación científica para a sociedade, polo que normalmente o persoal investigador non ten unha formación específica para comunicar o seu traballo ao público xeral dunha forma comprensible. Ademais, a divulgación non só fai que os traballos científicos sexan máis citados; é máis, nalgúns casos tamén é una ferramenta para obter un retorno económico. 

Competencias adquiridas:

·       Recoñecer a necesidade da divulgación científica e os seus beneficios, tanto a nivel individual como para a sociedade. 

·       Adquirir técnicas e ferramentas que permitan unha difusión social da ciencia de xeito atractivo e eficiente.

Temario:

1. Presentación 
2. Por que divulgar? 
3. Onde e como divulgar 
4. Consellos básicos de divulgación científica 

O curso será impartido pola científica e divulgadora Andrea Muras.