Ata o 15 de maio de 2025
240.000 euros (ata 100.000 € por proxecto)
calls@igfae.usc.es
O programa IGNITE financiará proxectos propostos por membros do IGFAE, podendo incluír tamén colaboradores externos. A contía máxima destinada a esta convocatoria é de 240.000 euros, que se distribuirán entre os distintos proxectos tras o proceso de avaliación. Esta cantidade podería incrementarse se se dispoñen de fondos adicionais. Cada proxecto poderá recibir unha achega máxima de 100.000 euros, que deberá estar debidamente xustificada ao final do período María de Maeztu (31 de marzo de 2028). Os proxectos que obteñan unha boa avaliación pero non poidan ser financiados nesta convocatoria serán tidos en conta no caso de que o Instituto dispoña de recursos adicionais.
Os proxectos serán presentados por unha persoa ou equipo investigador do IGFAE antes do 15 de maio de 2025. En calquera caso, o persoal do IGFAE actuará como Investigador/a Principal (IP). Calquera membro do IGFAE que posúa o título de doutorado poderá exercer como IP.
Os equipos poderán incluír persoas alleas ao IGFAE, en particular —aínda que non exclusivamente— de outros Centros Singulares da Universidade de Santiago de Compostela, da rede CIGUS ou do Centro de Supercomputación de Galicia (CESGA). A participación destes membros externos deberá xustificarse achegando a experiencia necesaria para o proxecto que non estea dispoñible no IGFAE. Neste caso, aínda que non se require cofinanciamento do proxecto, este valorarase positivamente.
As propostas, cun máximo de 4 páxinas máis unha táboa orzamentaria, deberán incluír:
unha descrición breve da idea
xustificación da súa novidade e/ou do seu carácter multidisciplinar dentro do IGFAE
descrición do equipo
metodoloxía e cronograma
potencial para obter financiamento externo tras a axuda semente
O orzamento deberá incluír unha descrición dos gastos por categorías (persoal, instrumentación, viaxes, visitantes, etc.). Só serán financiables os gastos que sexan elixibles no marco do proxecto María de Maeztu.
As propostas deberán enviarse a: calls@igfae.usc.es.
Constituirase un comité para avaliar as propostas, que poderá tamén solicitar a opinión de avaliadores externos. Os membros do Comité Científico Asesor (SAB) do IGFAE poderán ser contactados para ofrecer asesoramento en calquera fase do proceso de avaliación.
A avaliación basearase na novidade das propostas no marco da axenda científica do IGFAE, así como na súa calidade e potencial para obter financiamento externo e abrir novas liñas de investigación no futuro. No caso de que varias propostas sexan consideradas igualmente adecuadas para o financiamento, darase prioridade ás presentadas por investigadoras mulleres e/ou persoal non permanente (como Ramón y Cajal, líderes do grupo Global Talent, etc.).
A avaliación e comunicación dos resultados realizarase nun prazo de 30 días tras a data límite da convocatoria. Unha vez comunicados os resultados, os/as Investigadores/as Principais disporán de 5 días para aceptar a axuda. A aceptación marcará a data de inicio do proxecto.
Gas TPCs with fast timing capability (T0) for the DUNE Near Detector (Diego González Díaz)
PHARMI: Phoswich scintillator assembly for medical imaging (Pablo Cabanelas Eiras)
Codex-b, an experiment to unveil BSM physics searching for Long Lived Particles (Xabier Cid Vidal)
Coaxial Prompt Gamma-ray Monitoring for proton therapy (Antonio Fernández Prieto, Edgar Lemos Cid)
Gravitational Wave Patterns for Compact Star (Ricardo Vázquez, Juan Calderón Bustillo, Christoph Adam)