Santiago de Compostela acolleu o 29º European Cosmic Ray Symposium

A Hospedería de San Martiño Pinario, na zona vella de Santiago de Compostela, acolleu a pasada semana o 29º European Cosmic Ray Symposium (ECRS 2026). O evento reuniu arredor dun cento de investigadores para presentar os últimos avances no estudo dos raios cósmicos e áreas relacionadas, así como para debater novas ideas emerxentes e experimentos futuros.

O simposio contou cun programa amplo e diverso de charlas plenarias, sesións paralelas e presentacións de póster, abranguendo temas como os raios cósmicos solares e heliosféricos, propagación de SEPs e GCRs; medidas directas e indirectas de raios cósmicos;aceleración, propagación e orixe dos raios cósmicos; física das choivas atmosféricas e interaccións hadrónicas; raios gamma, neutrinos, materia escura; e futuras medicións, instrumentación e métodos.

O Comité Organizador Local estivo encabezado polos investigadores do IGFAE Jaime Álvarez‑Muñiz e Enrique Zas, xunto cun equipo composto por Sergio Cabana, Lorenzo Cazón, Joaquín de Jesús, María Durán, Fernando Gollán, Yago Lema, Gonzalo Parente, Carmen Pavón, Carmina Pérez, Brais Rocha, Francisco Sánchez e Marina Scornavacche.