2024-09-27
Thesis
SA2_GRWA
Área de investigación
Experimentos
A primeira detección experimental das ondas gravitacionais, acadada pola colaboración LIGO no ano 2015, é un dos grandes fitos científicos do século XXI. Estas perturbacións no espazo-tempo están causadas por algúns dos fenómenos cósmicos máis violentos, como as fusións de buracos negros e estrelas de neutróns ou as explosións de supernovas, Deste xeito, estes eventos contribúen a validar a teoría da relatividade xeral exposta por Einstein en 1915.
Trala primeira acreditación María de Maeztu, en 2017, a dirección científica do IGFAE identificou as ondas gravitacionais como unha grande oportunidade para abrir unha nova liña de investigación. Esta aposta frutificou coa constitución dun equipo no propio centro e a incorporación á colaboración LIGO no ano 2018. Nestes anos, o persoal do Instituto xa asumiu relevantes tarefas de análise neste experimento. Alén disto, algunhas deteccións destes eventos están a abrir a porta a poder demostrar a existencia de obxectos cósmicos alén do Modelo Estándar, así como candidatos a formar parte da materia escura. Coa apertura da nova sede, o IGFAE tamén prevé destinar un dos seus laboratorios ao desenvolvemento de instrumentación para os experimentos de ondas gravitacionais.
Principal investigator
Juan Calderón Bustillo
Initial date
2024-09-01
Final date
2029-08-31
Agency
AEI - Agencia Estatal de Investigación