Cosmic Particles and Fundamental Physics

Neste marco, a astronomía de multimensaxeiros é unha disciplina de enorme potencial no ámbito da física. Hoxe é posible observar un mesmo evento cósmico con diferentes sinais, ademais da luz, como a radiación electromagnética, as ondas gravitacionais ou os neutrinos. Con esta información complementaria, é posible entender mellor os complexos mecanismos que están detrás destes fenómenos.

Dentro desta área estratéxica de investigación, o persoal do IGFAE está presente na coordinación de experimentos como Pierre Auger, na Arxentina, o meirande e máis preciso observatorio deseñado para estudar os raios cósmicos de enerxía ultra-alta, ou a colaboración LIGO, responsable en 2015 da histórica detección experimental das ondas gravitacionais teorizadas por Einstein 100 anos atrás. O Instituto tamén participa en relevantes proxectos para a detección de neutrinos, como NEXT, DUNE ou HyperK.