Pierre Auger

Na vasta chaira coñecida como Pampa Amarilla, no oeste de Arxentina, o Observatorio Pierre Auger está a estudar os chamados raios cósmicos: as partículas de maior enerxía no universo, que chegan á Terra desde todas as direccións. Os raios cósmicos con enerxías de baixas a moderadas son ben coñecidos, pero aqueles con enerxías extremadamente altas seguen sendo moi misteriosos. Ao detectar e estudar estas partículas, o Observatorio Pierre Auger está a abordar os enigmas da súa orixe e existencia.

O Observatorio Auger é un “detector híbrido” que emprega dous métodos independentes para detectar e estudar os raios cósmicos de alta enerxía. Unha técnica detecta partículas de alta enerxía a través da súa interacción coa auga colocada en tanques detectores de superficie. A outra técnica rastrexa o desenvolvemento da fervenza de aire mediante a observación da luz ultravioleta emitida nas capas altas atmosfera da Terra. A natureza híbrida do Observatorio Pierre Auger proporciona dúas formas independentes de ver os raios cósmicos.

O grupo de Física de Astropartículas do IGFAE dirixido polo Prof. Enrique Zas desempeñou un papel relevante desde a súa incorporación á Colaboración Auger en 2002. Entre as moitas contribucións deste grupo, cabe mencionar a procura de neutrinos de ultra alta enerxía e a análise de fervenzas inclinadas.

O grupo de Física de Astropartículas está composto por catro membros principais (Jaime Álvarez-Muñiz, Lorenzo Cazón, Gonzalo Parente e Enrique Zas), dous investigadores posdoutorais (Marvin Gottowik e Felix Riehn), e cinco estudantes de doutoramento (Juan Ammerman, Sergio Cabana, Yago Lema, Francisco Sánchez e Miguel Martins). O grupo participa no Observatorio Pierre Auger desde 2002, cando España converteuse en membro de pleno dereito da Colaboración Pierre Auger con máis de 400 científicos de 20 países.