Esta convocatoria interna financiará proxectos promovidos por persoal do IGFAE. Darase prioridade ás propostas presentadas por persoal júnior, e orientadas cara á transferencia de tecnoloxía. O obxectivo de IGNITE é fomentar a colaboración interna entre o persoal do Instituto, identificando e explorando novas liñas de traballo.
O éxito acadado polo IGFAE nos últimos anos, tanto nas acreditacións de excelencia como na captación de talento internacional, estimulou tamén a colaboración interna no centro.
Neste marco, o Instituto puxo en marcha o programa IGNITE, unha convocatoria interna para financiar propostas científicas con potencial para abrir novas liñas de investigación. IGNITE dá prioridade ás propostas de persoal júnior, e cunha clara vocación cara a transferencia de tecnoloxía.
Este programa será unha ferramenta esencial para impulsar aínda máis a cooperación entre as distintas áreas estratéxicas e programas de investigación do IGFAE. Todos os proxectos contarán tamén co apoio da Unidade de Transferencia de Tecnoloxía, co obxectivo de estimular o achegamento da ciencia desenvolvida no Instituto ao sector empresarial.
Durante o ano 2025 porase en marcha unha nova convocatoria.