Un ano máis, o Instituto Galego de Física de Altas Enerxías (IGFAE), lanza o seu programa de charlas divulgativas dirixidas a centros educativos. Neste curso 2024 / 2025, calquera centro de secundaria e bacharelato de Galicia pode solicitar unha das 18 propostas, que abordan diversos temas das áreas de investigación do IGFAE, mais tamén cuestións transversais como a diversidade no ámbito da física, ou a historia do propio IGFAE

O programa forma parte do compromiso e a vontade de achegamento á sociedade da actividade científica do IGFAE e do labor do seu persoal investigador. Nos últimos anos, esta iniciativa fixo posible que máis de 1.000 estudantes puidesen desfrutar cada curso da oportunidade de coñecer de preto o labor que o equipo do IGFAE desenvolve en grandes colaboracións internacionais.

Para coñecer a listaxe de charlas e facer a solicitude, só tes que facer clic nesta ligazón.