A transferencia do coñecemento e tecnoloxía desenvolvidas a partir da investigación levada a cabo no Instituto Galego de Física de ALtas Enerxías (IGFAE) estivo presente na xornada de innovación ‘InnovAmes’ que tivo lugar o pasado venres, 16 de decembro, no pavillón polideportivo do Milladoiro.

Tres foron as iniciativas que presentamos no noso stand:

– REMA, a spin-off do IGFAE que se dedica á inspección non invasiva de contedores de transporte de mercadorías por mar con escáneres de última xeración baseados en tomografia de neutróns.

– O Fiouco, unha cámara de néboa portátil de baixo custo e mantemento, deseñada e desenvolvida no marco do EduLab do IGFAE para mostrar o funcionamento dun detector de partículas.

– O Proxecto MEDRA (MediPIX para ou Estudo e Detección dá Radiación nas Aulas), un proxecto de innovación educativa, tamén dentro do laboratorio educativo EduLab, que ten como obxectivo achegar aos estudantes de secundaria e bacharelato ao traballo experimental de investigación en física nuclear de partículas que se realiza no IGFAE e outros centros de investigación.

Ao longo do evento houbo charlas, mesas de debate, obradoiros, presentación de proxectos innovadores e ofreceuse información nos stands permanentes de 20 empresas amesás, as tres universidades galegas e centros de primaria e secundaria do concello, todo para poñer en valor os recursos e a capacidade de innovación local, fomentando a sinerxía e a colaboración entre as empresas e dando a coñecer ao público xeral o capital empresarial de Ames.

Máis información: https://www.concellodeames.gal/gl/novas/o-evento-innovames-mostra-o-potencial-das-empresas-amesas-nos-sectores-da-tecnoloxia