{"id":14178,"date":"2023-09-12T14:03:52","date_gmt":"2023-09-12T12:03:52","guid":{"rendered":"https:\/\/igfae.usc.es\/~igfae-old\/transfronteirizas-regresa-cun-dialogo-sobre-cine-e-fisica-arredor-do-filme-salta\/"},"modified":"2023-09-12T18:13:40","modified_gmt":"2023-09-12T16:13:40","slug":"transfronteirizas-regresa-cun-dialogo-sobre-cine-e-fisica-arredor-do-filme-salta","status":"publish","type":"post","link":"https:\/\/igfae.usc.es\/~igfae-old\/transfronteirizas-regresa-cun-dialogo-sobre-cine-e-fisica-arredor-do-filme-salta\/","title":{"rendered":"O ciclo \u2018Transfronteirizas\u2019 regresa cun di\u00e1logo sobre cine e f\u00edsica arredor do filme \u2018\u00a1Salta!\u2019"},"content":{"rendered":"

O Instituto Galego de F\u00edsica de Altas Enerx\u00edas (IGFAE) retoma este m\u00e9rcores 12 de setembro, a partir das 19 horas, o ciclo \u2018Transfronteirizas. Conversas de Arte e Ciencia\u2019, mergull\u00e1ndose nunha das estreas que ocupa a carteleira nas \u00faltimas semanas: a pel\u00edcula \u00a1Salta!<\/em>, da produtora galega Vaca Films. No di\u00e1logo participar\u00e1n a directora do filme, Olga Osorio<\/strong>, e o actor protagonista, Tamar Novas<\/strong>. O encontro poder\u00e1 seguirse en directo a trav\u00e9s da canle de YouTube do IGFAE.<\/p>\n

Osorio e Novas conversar\u00e1n con Jose Edelstein,<\/strong> investigador do IGFAE e asesor cient\u00edfico de \u00a1Salta!,<\/em> en cuxa trama xogan un papel moi relevante os buratos de verme. Estas estruturas te\u00f3ricas, cuxos primeiros vestixios at\u00f3panse nun traballo publicado por Albert Einstein e Nathan Rosen en 1935, poder\u00edan conectar d\u00faas rexi\u00f3ns espazo-temporais arbitrariamente distantes, permitindo as viaxes no tempo. A s\u00faa presenza no cinema ten precedentes en pel\u00edculas como Contacto <\/em>ou Interestelar<\/em>.<\/p>\n

Os buratos de verme e as viaxes no tempo<\/h4>\n

O filme \u2018\u00a1Salta!\u2019 \u00e9 unha adaptaci\u00f3n da curtametraxe Einstein-Rosen<\/em> (2016), tam\u00e9n dirixida por Olga Osorio. Nela c\u00f3ntase a historia de dous irm\u00e1ns, Teo e \u00d3scar, despois de que Teo descubra que no patio do bloque de vivendas onde reside hai unha porta de entrada a un burato de verme. A pel\u00edcula, estreada este setembro, afonda na relaci\u00f3n de Teo e \u00d3scar, e en como cada un afronta a desaparici\u00f3n da s\u00faa nai, unha prometedora cient\u00edfica obsesionada cos buratos de verme.<\/p>\n

Jos\u00e9 Edelstein, investigador do IGFAE e profesor de F\u00edsica Te\u00f3rica na Universidade de Santiago de Compostela, conversar\u00e1 con Olga Osorio e Tamar Novas sobre como afrontar o proceso creativo nunha pel\u00edcula con elementos cient\u00edficos modernos \u00e1 hora de dirixir e interpretar, respectivamente. Edelstein colaborou como asesor co equipo de \u2018\u00a1Salta!\u2019 \u00e1 hora de desenvolver algunha das f\u00f3rmulas utilizadas na pel\u00edcula e expo\u00f1er aspectos do espazo e metodolox\u00eda do traballo dun f\u00edsico, procurando incorporar elementos que confiran a maior credibilidade posible \u00e1s escenas nas que estes se amosan.<\/p>\n

Sobre Olga Osorio e Tamar Novas<\/h4>\n

Olga Osorio \u00e9 directora e guionista, xunto con Araceli Gonda, da pel\u00edcula \u00a1Salta! <\/em>(2033), Olga Osorio conta cunha ampla experiencia na industria cinematogr\u00e1fica. \u00c9 catedr\u00e1tica de secundaria en Procesos e Medios de Comunicaci\u00f3n, doutora en Humanidades e licenciada en Xornalismo pola Universidade Complutense de Madrid, e actualmente imparte clases de direcci\u00f3n e promoci\u00f3n e distribuci\u00f3n cinematogr\u00e1ficas na Escola de Imaxe e Son da Coru\u00f1a. Entre 2003 e 2022 foi tam\u00e9n profesora asociada na facultad de Comunicaci\u00f3n Audiovisual. Antes de \u00a1Salta!,<\/em> A s\u00faa primeira longametraxe, dirixiu varias curtas, entre as que destaca Einstein-Rosen<\/em>.<\/p>\n

Tamar Novas \u00e9 actor desde moi novo. Os seus primeiros papeis foron no filme A lingua das bolboretas <\/em>(1999) e Mar Adentro <\/em>(2004), co que obtuvo o premio Goya ao mellor actor revelaci\u00f3n. Estudou Comunicaci\u00f3n Audiovisual na USC, ao tempo que avanzaba na s\u00faa formaci\u00f3n como int\u00e9rprete. Na s\u00faa carreira figuran filmes \u00e1s ordes de directores como Pedro Almod\u00f3var (Los abrazos rotos<\/em>, 2009) ou Isabel Coixet (Elisa y Marcela<\/em>, 2019), ademais de series como Fari<\/em>\u00f1a <\/em>(2018) ou El desorden que dejas<\/em> (2020).<\/em><\/p>\n

Unha ducia de encontros para tender pontes entre arte e ciencia<\/h4>\n

Organizado polo ArtLab do IGFAE<\/a>, ‘Transfronteirizas, conversas de arte e ciencia’<\/strong><\/a> \u00e9 un ciclo de di\u00e1logos virtuais emitidos en Youtube no que se invitan a figuras do \u00e1mbito cultural a explorar as intersecci\u00f3ns entre a arte e a ciencia co noso persoal investigador, buscando un enfoque interdisciplinar. Nacido o 15 de maio de 2020 en plena pandemia con Rosa Montero, polo ciclo pasaron personaxes como Javier Ruibal, Alejandro Dolina, Anna R. Figueiredo ou Agust\u00edn Fern\u00e1ndez Mallo, co obxectivo de tender pontes e fomentar a participaci\u00f3n entre a sociedade e a comunidade investigadora a trav\u00e9s de distintas expresi\u00f3ns art\u00edsticas.<\/p>\n