{"id":15099,"date":"2024-01-15T13:45:47","date_gmt":"2024-01-15T11:45:47","guid":{"rendered":"https:\/\/igfae.usc.es\/igfaedb\/?p=15099"},"modified":"2024-01-15T14:09:41","modified_gmt":"2024-01-15T12:09:41","slug":"apertura-de-inscricions-para-a-v-masterclass-de-fisica-de-particulas-do-11f","status":"publish","type":"post","link":"https:\/\/igfae.usc.es\/igfaedb\/es\/apertura-de-inscricions-para-a-v-masterclass-de-fisica-de-particulas-do-11f\/","title":{"rendered":"Apertura de inscrici\u00f3ns para a V Masterclass de F\u00edsica de Part\u00edculas do 11F"},"content":{"rendered":"

O domingo 11 de febreiro de 2024 celebrarase o \u201cD\u00eda Internacional da Muller e a Nena na Ciencia<\/strong>\u201d, proclamado pola Asemblea Xeral das Naci\u00f3ns Unidas. E un ano m\u00e1is, o Instituto Galego de F\u00edsica de Altas Enerx\u00edas (IGFAE), centro mixto da Universidade de Santiago de Compostela e a Xunta de Galicia, organiza a Masterclass Internacional de F\u00edsica de Part\u00edculas<\/strong>, dirixida a alumnas de 1\u00ba de bacharelato de institutos de Galicia.<\/p>\n

A xornada, que ter\u00e1 lugar o venres 9 de febreiro <\/strong>na Escola T\u00e9cnica Superior de Enxe\u00f1ar\u00eda da USC, cumpre en 2024 a s\u00faa quinta edici\u00f3n. Esta cita ten por obxectivo achegar a f\u00edsica \u00e1s alumnas que poder\u00e1n realizar unha pr\u00e1ctica experimental con datos reais do CERN. Farano a trav\u00e9s das propias investigadoras do\u00a0IGFAE, que compartir\u00e1n algunhas claves do seu traballo e amosar\u00e1n referentes femininas para as futuras xeraci\u00f3ns de investigadoras.<\/p>\n

\n

Consulta toda a informaci\u00f3n e formaliza a inscrici\u00f3n na web: https:\/\/igfae.usc.es\/masterclass_women_in_science\/index.php\/inscricions\/<\/a><\/strong><\/p>\n

\n

\"\"<\/p>\n

Desde o IGFAE\u00a0cremos que \u00e9 esencial promover o acceso \u00e1 ciencia e a participaci\u00f3n plena e equitativa de todas as persoas, especialmente en disciplinas como a f\u00edsica de part\u00edculas, onde persiste unha notable fenda de x\u00e9nero, cunha escasa presenza feminina. Por iso abrimos as portas \u00e1s mozas galegas, para que co\u00f1ezan o traballo do centro e tomen contacto con este campo, gozando dunha experiencia inesquecible e co\u00f1ecendo as tarefas coti\u00e1s das investigadoras que traballan na disciplina.<\/p>\n

N\u00famero de prazas e inscrici\u00f3ns<\/strong><\/h5>\n

O n\u00famero de prazas est\u00e1 limitado a 60 participantes, e\u00a02 alumnas de 1\u00ba de bacharelato por instituto (posibilidade de ampliar a 3 en funci\u00f3n da evoluci\u00f3n das inscrici\u00f3ns)<\/strong>.<\/p>\n

Esta xornada pode ser un incentivo para decantarse por carreiras cient\u00edficas, polo que c\u00f3mpre ter presente este criterio na selecci\u00f3n das participantes. Ademais, dado que a discusi\u00f3n dos resultados ser\u00e1 en ingl\u00e9s, deber\u00eda tam\u00e9n considerase este aspecto.<\/p>\n

O formulario de inscrici\u00f3n<\/strong><\/a>\u00a0estar\u00e1 aberto desde o 15 ata o<\/strong>\u00a028 de xaneiro \u00e1s 23:59 h<\/strong>. O profesorado que acompa\u00f1e \u00e1s estudantes pode asistir e incluso participar activamente na Masterclass, se as\u00ed o desexa, o que deber\u00e1 indicar no formulario.\u00a0As solicitudes ser\u00e1n atendidas por orde de chegada.\u00a0O IGFAE farase cargo da manutenci\u00f3n<\/strong>.<\/strong><\/p>\n

Programa da Masterclass<\/strong><\/h5>\n

Durante a ma\u00f1\u00e1, as asistentes afondar\u00e1n no co\u00f1ecemento da f\u00edsica de part\u00edculas cunha serie de conferencias introdutorias. A continuaci\u00f3n realizarase unha sesi\u00f3n pr\u00e1ctica por ordenador, na que se utilizar\u00e1n datos reais dun experimento do CERN. Os resultados discutiranse posteriormente por videoconferencia con investigadoras do CERN, as\u00ed como con alumnas doutros pa\u00edses que tam\u00e9n participan na Masterclass. Nesta edici\u00f3n, \u00e1 videoconferencia que se celebra en Santiago tam\u00e9n se unir\u00e1n estudantes de Brasil, Bulgaria e Italia.<\/p>\n

Na sesi\u00f3n da tarde haber\u00e1 unha charla-coloquio que po\u00f1er\u00e1 o acento nas figuras de moitas mulleres, procedentes de diferentes culturas, pa\u00edses, clases, etnias e condici\u00f3ns, que fixeron grandes achegas \u00e1 ciencia dende os espazos que conseguiron ocupar, pero que seguen sendo en moitos casos bastante desco\u00f1ecidas.<\/p>\n

A Masterclass ofrece, por tanto, unha oportunidade e unha experiencia enriquecedora para as alumnas, que ter\u00e1n a oportunidade de achegarse ao m\u00e9todo cient\u00edfico mediante un pequeno simulacro do que sup\u00f3n a d\u00eda a d\u00eda da carreira investigadora. Farano, ademais, aprendendo sobre a historia das mulleres na ciencia.<\/p>\n

A xornada \u00e9 froito da colaboraci\u00f3n do IGFAE co Grupo Internacional de Divulgaci\u00f3n de F\u00edsica<\/a> de Part\u00edculas (promotores da Masterclass) e o CERN (Organizaci\u00f3n Europea para a Investigaci\u00f3n Nuclear<\/a>).<\/p>\n

<\/p>\n

Actividades anteriores organizadas polo IGFAE co gallo do D\u00eda Internacional da Muller e a Nena na Ciencia:<\/strong><\/p>\n