{"id":12012,"date":"2022-09-15T15:20:53","date_gmt":"2022-09-15T13:20:53","guid":{"rendered":"http:\/\/localhost:8888\/igfae-ber\/fisica-forense-rodolfo-pregliasco-transfronteirizas\/"},"modified":"2024-12-26T11:08:17","modified_gmt":"2024-12-26T10:08:17","slug":"fisica-forense-rodolfo-pregliasco-transfronteirizas","status":"publish","type":"post","link":"https:\/\/igfae.usc.es\/igfae\/fisica-forense-rodolfo-pregliasco-transfronteirizas\/","title":{"rendered":"F\u00edsica para resolver cr\u00edmenes: o f\u00edsico forense Rodolfo Pregliasco participa no pr\u00f3ximo ‘Transfronteirizas, conversas de arte e ciencia’"},"content":{"rendered":"

O experto criminalista arxentino, cuxos reco\u00f1ecidos m\u00e9todos de investigaci\u00f3n axudaron a resolver casos de transcendencia internacional e foron inclu\u00eddos na serie CSI Miami, participar\u00e1 no 11\u00ba coloquio do ciclo ‘Transfronteirizas’ conversas de arte e ciencia” do ArtLab do IGFAE o 29 de setembro \u00e1s 19:00 horas (de Santiago de Compostela). O evento emitirase en directo en Youtube e moderarao o investigador do IGFAE Jos\u00e9 Edelstein<\/strong><\/p>\n

Son bastante co\u00f1ecidas as aplicaci\u00f3ns da investigaci\u00f3n en f\u00edsica na medicina, a industria enerx\u00e9tica, as tecnolox\u00edas da informaci\u00f3n ou a conservaci\u00f3n e restauraci\u00f3n de obras de arte. Quiz\u00e1is non tanto da f\u00edsica forense. Esta ciencia axuda \u00e1s autoridades xudiciais a esclarecer accidentes de tr\u00e1fico, desaparici\u00f3ns ou cr\u00edmes utilizando m\u00e9todos cient\u00edficos e os avances tecnol\u00f3xicos propios da f\u00edsica. Alg\u00fans exemplos destacados son a identificaci\u00f3n de persoas a trav\u00e9s do ADN, o uso de t\u00e9cnicas espectrogr\u00e1ficas na determinaci\u00f3n de substancias prohibidas (drogas ou explosivos) ou a an\u00e1lise por activaci\u00f3n neutr\u00f3nica para localizar contaminantes en cantidades m\u00ednimas. A f\u00edsica forense cruzouse no cami\u00f1o de Rodolfo Pregliasco a finais dos 90 e desde ent\u00f3n se dedica a este campo que compartir\u00e1 co p\u00fablico no pr\u00f3ximo di\u00e1logo do ciclo online ‘Transfronteirizas, conversas de arte e ciencia’. O encontro, organizado polo Instituto Galego de F\u00edsica de Altas Enerx\u00edas, ser\u00e1 o pr\u00f3ximo 29 de setembro \u00e1s 19:00 horas e poder\u00e1 seguirse a trav\u00e9s da canle de Youtube do IGFAE<\/a>.<\/p>\n

“<\/strong>Todos podemos violar as leis dos homes, pero ningu\u00e9n pode escapar \u00e1s leis da f\u00edsica”<\/strong><\/p>\n

Doutor en F\u00edsica pola Universidade de Buenos Aires (UBA), Rodolfo Pregliasco \u00e9 na actualidade \u00e9 investigador do CONICET \u2013o CSIC espa\u00f1ol\u2013 e director do Grupo de F\u00edsica Forense do Centro At\u00f3mico Bariloche (Arxentina). Xunto con Ernesto Mart\u00ednez, o seu mentor, participou en numerosos casos, utilizando novas aplicaci\u00f3ns creativas da ciencia no \u00e1mbito forense. Desenvolveu a t\u00e9cnica de ecolocaci\u00f3n de disparos a partir do son rexistrado nunha c\u00e1mara, que permitiu situar a orixe duns disparos que terminaron coa vida dunha muller en Arxentina durante uns disturbios en 1997. \u00a0Este m\u00e9todo oficializouse como ferramenta profesional en 2002 ao ser publicado na Journal of forensics sciencies<\/em><\/a> da Asociaci\u00f3n de peritos forenses de EE. UU. e foi inclu\u00eddo nun cap\u00edtulo da serie estadounidense CSI Miami. Editou, xunto con Leonardo Saccomanno, a primeira parte do “Manual de Evidencia Cient\u00edfica” destinado a operadores do poder xudicial, que \u00e9 un manual de consulta solicitado polo superior tribunal da provincia de R\u00edo Negro, en Arxentina. \u00c9 director do Grupo de F\u00edsica Forense do Centro At\u00f3mico Bariloche e membro do Comit\u00e9 Asesor do Programa de Ciencia e Xustiza do CONICET.<\/p>\n

Sumando disciplinas: periodismo, m\u00fasica, poes\u00eda, divulgaci\u00f3n, feminismo, historia…<\/strong><\/p>\n

Organizado polo ArtLab do IGFAE, ‘Transfronteirizas, conversas de arte e ciencia’<\/strong><\/a> \u00e9 un ciclo de di\u00e1logos virtuais emitidos en Youtube no que se invitan a figuras do \u00e1mbito cultural a explorar as intersecci\u00f3ns entre a arte e a ciencia co noso persoal investigador, buscando un enfoque interdisciplinar. Nacido o 15 de maio de 2020 en plena pandemia con Rosa Montero, polo ciclo pasaron personaxes como Javier Ruibal, Alejandro Dolina, Anna R. Figueiredo ou Agust\u00edn Fern\u00e1ndez Mallo co obxectivo de tender pontes e fomentar a participaci\u00f3n entre a sociedade e a comunidade investigadora a trav\u00e9s de distintas expresi\u00f3ns art\u00edsticas.<\/p>\n