Co gallo do 11 de febreiro, D\u00eda Internacional da Muller e a Nena na Ciencia, a sede do IGFAE acolleu unha nova edici\u00f3n da Masterclass Internacional de F\u00edsica de Part\u00edculas, unha iniciativa que pretende achegar \u00e1s estudantes de 1\u00ba de bacharelato de Galicia a investigaci\u00f3n nesta disciplina. Con ela ponse \u00e9nfase na persistente fenda de x\u00e9nero en determinadas \u00e1reas da f\u00edsica, onde a porcentaxe feminina na investigaci\u00f3n segue por baixo do 30%. M\u00e1is de 60 rapazas de 1\u00ba de bacharelato procedentes dunha trintena de centros das catro provincias, e acompa\u00f1adas polas s\u00faas profesoras, participaron na actividade. Por primeira vez, a xornada desenvolveuse nas instalaci\u00f3ns do IGFAE, logo da apertura da nova sede do centro, inaugurado en xu\u00f1o de 2025.<\/p>\n
Durante esta xornada, as alumnas puideron achegarse \u00e1 vida coti\u00e1 dunha investigadora. O d\u00eda comezou con d\u00faas charlas introdutorias, co obxectivo de co\u00f1ecer mellor as part\u00edculas fundamentais e as s\u00faas interacci\u00f3ns entre elas, as\u00ed como o funcionamento dos detectores instalados en laboratorios como o CERN. A continuaci\u00f3n desenvolveuse unha sesi\u00f3n pr\u00e1ctica, na que se utilizaron datos reais do experimento CMS do CERN, co obxectivo de aprender a detectar eventos compatibles coa presenza de part\u00edculas como o bos\u00f3n de Higgs.<\/p>\n
A ma\u00f1\u00e1 finalizou cun xantar compartido nas instalaci\u00f3ns do IGFAE, no que todas as asistentes puideron compartir impresi\u00f3ns e experiencias. Na sesi\u00f3n da tarde, levouse a cabo unha conversa aberta entre as estudantes de doutoramento do IGFAE, organizadoras da actividade, e as alumnas, para co\u00f1ecer m\u00e1is en detalle como \u00e9 a vida diaria dunha f\u00edsica. Logo dun coloquio sobre x\u00e9nero e diversidade, a Masterclass pechouse cunha videoconferencia con investigadoras do CERN para discutir os resultados da pr\u00e1ctica, na que tam\u00e9n participaron estudantes de Brasil e Hungr\u00eda.<\/p>\n
Durante a actividade recibimos a visita dun equipo da Televisi\u00f3n de Galicia, que realizou unha reportaxe emitida no Telexornal Mediod\u00eda do propio 11 de febreiro.<\/a><\/p>\n\n\t\t