{"id":12193,"date":"2022-10-24T11:32:20","date_gmt":"2022-10-24T09:32:20","guid":{"rendered":"http:\/\/localhost:8888\/igfae-ber\/?p=12193"},"modified":"2024-12-26T10:46:00","modified_gmt":"2024-12-26T09:46:00","slug":"o-igfae-acolle-en-santiago-a-maior-conferencia-de-fisica-nuclear-de-europa","status":"publish","type":"post","link":"https:\/\/igfae.usc.es\/igfae\/en\/o-igfae-acolle-en-santiago-a-maior-conferencia-de-fisica-nuclear-de-europa\/","title":{"rendered":"O IGFAE acolle en Santiago a maior conferencia de f\u00edsica nuclear de Europa"},"content":{"rendered":"

O European Nuclear Physics Conference<\/em><\/a> (EuNPC 2022), o maior congreso de f\u00edsica nuclear do continente europeo botou a andar este luns en Santiago de Compostela con m\u00e1is de 200 participantes de dentro e f\u00f3ra da rexi\u00f3n. Nesta quinta edici\u00f3n, organizada de forma conxunta pola Divisi\u00f3n de F\u00edsica Nuclear da Sociedade Europea de F\u00edsica, o Grupo especializado de F\u00edsica Nuclear da Real Sociedade Espa\u00f1ola de F\u00edsica e o Instituto Galego de F\u00edsica de Altas Enerx\u00edas (IGFAE), o programa c\u00e9ntrase en nove bloques tem\u00e1ticos que revisan e discuten o estado e as perspectivas da f\u00edsica nuclear e as s\u00faas aplicaci\u00f3ns. O congreso conf\u00f3rmase como un escaparate dos desenvolvementos te\u00f3ricos e experimentais de vangarda, onde se promover\u00e1 ata o venres 28 de outubro a interacci\u00f3n entre as investigaci\u00f3ns m\u00e1is destacadas e os conceptos innovadores neste campo.<\/p>\n

O acto inaugural estivo presidido pola presidenta do comit\u00e9 organizador e investigadora do IGFAE Dolores Cortina, o director do IGFAE Carlos Salgado e a presidenta de la Divisi\u00f3n de F\u00edsica Nuclear da Sociedade Europea de F\u00edsica Alison Bruce.<\/p>\n

No congreso entregaranse dous dos tres prestixiosos premios que outorga a Divisi\u00f3n de F\u00edsica Nuclear: o premio Lise Meitner 2022 a Phil Walker (University of Surrey) polas s\u00faas contribuci\u00f3ns fundamentais \u00e1 comprensi\u00f3n dos estados nucleares excitados de longa duraci\u00f3n “isom\u00e9ricos” e os factores que determinan as s\u00faas vidas medias; e o premio \u00e1s mellores Teses doutorais 2021 en f\u00edsica nuclear experimental, te\u00f3rica ou aplicada para Giuliano Giacalone, Jonas Karthein e \u00c1gota Koszor\u00fas, respectivamente.<\/p>\n

\u00daltimas prazas para a obra teatral \u201cProyecto Meitner: Recordando a Lise Meitner\u201d<\/strong><\/p>\n

No marco deste congreso, o IGFAE trae por primeira vez a Galicia a obra de teatro \u201cRecordando a Lise Meitner<\/a>\u201d que recupera a memoria desta cient\u00edfica brillante, quen descubriu a fisi\u00f3n nuclear xunto ao seu compa\u00f1eiro de laboratorio Otto Hahn e cuxo Nobel foi outorgado en solitario a este \u00faltimo. \u201cRecordando a Lise Meitner\u201d representarase hoxe \u00e1s 21:00 h para p\u00fablico xeral e ma\u00f1\u00e1 \u00e1s 10:00 h para institutos, seguido dun coloquio con f\u00edsicas do congreso e os artistas da obra. Ambas as funci\u00f3ns celebraranse no auditorio Abanca de Santiago, con entrada libre ata completar as \u00faltimas prazas dispo\u00f1ibles.<\/p>\n

\u201cProyecto Meitner: Recordando a Lise Meitner\u201d \u00e9 unha iniciativa impulsada polo Instituto de F\u00edsica Corpuscular (IFIC) do CSIC e a Universitat de Val\u00e8ncia coa colaboraci\u00f3n da Fundaci\u00f3n Espa\u00f1ola para a Ciencia e a Tecnolox\u00eda do Ministerio de Ciencia e Innovaci\u00f3n e o Instituto Valenciano de Cultura, a Fundaci\u00f3n General do CSIC e a Unitat de Igualtat da Universitat de Val\u00e8ncia, cuxa produci\u00f3n art\u00edstica corre a cargo da compa\u00f1\u00eda teatral CRIT.<\/p>\n

\n\t\t